Dr. Leo, lýðræðið og Þórlindur Kjartansson

 

Það er fráleitt að halda því fram að lýðræðið hafa verið misnotað vegna þess að þessi ráðning er samkvæmt reglum og lögum sem gilda í landinu, sagði Þórlindur Kjartansson (formaður SUS) í Silfri Egils í dag og er auðvitað að verja dæmalausu dómararáðninguna.

Á vef Þorgeirs heitins Þorgeirsonar má finna þetta mannkynssögubrot:

"Dr. Leo Alexander, vel þekktur geðsjúkdómafræðingur, var formaður bandarísku læknanefndarinnar við stríðsglæparéttarhöld, sem haldin voru í Nürnberg eftir síðari heimstyrjöldina.

Honum féllust alveg hendur gagnvart þessari spurningu: Hvernig gat staðið á því  að læknastétt Þýskalands hafði reynst  ófær um að veita nasistunum virka andstöðu?

Hvergi fann hann neinar heimildir um þetta atriði og neyddist því til að snúa könnuninni upp í rannsókn á aðdraganda þess, hvernig þýska læknastéttin hafði smám saman orðið fullkomlega undirgefin stjórnarstefnu Hitlers.

Niðurstaða dr. Alexanders og starfssystkina hans varð á endanum sú,  að Helförin mundi hafa átt rót í hægfara viðhorfsbreytingu lækna, sem smám saman tóku að sætta sig við þá stefnu ríkisstjórnarinnar að meta fólk eftir því hvern kostnað eða ágóða ríkið hefði af  tilveru þess"

Sigurður Líndal hefur gagnrýnt dómararáðninguna harkalega, m.a. með þessum orðum:

“Valdboðið er sett í öndvegi; annað látið víkja. Með þetta að leiðarljósi er alræði og geðþótta opnuð leið og eru nærtækust dæmin frá Þýzkalandi eftir 1930.”

Miðað við niðurstöðu Dr. Leo Alexanders, er ekki bara rétt af Sigurði að taka svona til orða. Það er sérstaklega mikilvægt.

Þeir sem vilja draga faðerni hins nýráðna dómara inn í umræðuna vinna það eitt til, að drepa henni á dreif, þar er flokksbróðir vor og nokkuð virtur Iðnaðarráðherra ekki undanskilinn.

Athugasemdir

[María Kristjánsdóttir, 20.1.2008 kl. 23:49]

Flott hjá þér. Það má ekki láta afgreiða þessa tengingu Sigurðar sem "Hann er að kalla okkur nasista!" það þarf að skoða hvaða ferli hann er að tala um í Þýskalandi þessa tíma og hvort rétt sé að þau rími við eitthvað í samfélagi okkar. Nasisminn- eða fasisminn var nefnilega ekki bara geðveikin í Hitler og helförin einsog oft ætla mætti af umræðunni. Sérstaklega eftir að hafa horft á Bitz í sjónvarpinu í kvöld er ástæða að fara að taka þá umræðu.

[María Kristjánsdóttir, 20.1.2008 kl. 23:50]

Britz átti þetta að vera.