Villi og siðferðið

 

Vilhjálmur Þ. Vilhjálmsson, oddviti sjálfstæðismanna, segir að aðgerðir mótmælenda á pöllum Ráðhússins sé algjör vanvirðing við lýðræðið, en þeir sem fyrir þeim standa virðist ekki vilja láta segjast. “Maður veltir því fyrir sér hvort þetta séu þau vinnubrögð sem þeir vilja að séu ástunduð í þjóðfélaginu,”

Já lýðræðið Vilhjálmur, lýðræðið.

Þegar ráðherra sniðgengur álit matsnefndar við skipun héraðsdómara og rýrir þannig traust á dómstólum sem eru ein af undirstöðum lýðræðisins, þá  er það aðför að lýðræðinu.

Þegar menn hasla undir sig völd í sveitarfélagi með prettum, þá er það aðför að lýðræðinu. Þegar menn þjarma að veiklyndum einstaklingi með Gróusögum, kaupa hann með gylliboðum án þess að neinni málefnakreppu sé til að dreif, einungis til þess að ná völdum þá er það aðför að lýðræðinu.

Þegar menn fórna öllum málefnum, sem þeir stóðu fyrir þegar þeir buðu sig fram, einungis til að ná VÖLDUM. Þá eru sjálfsagt margir tilbúnir til að segja að það sé vanvirðing við lýðræðið.

Í þessu samhengi má vitna í það sem Eyja Margrét Brynjarsdóttir doktorsnemi í heimspeki hefur sagt um hræsni:

“Helsta einkenni hræsnara er uppgerð eða blekking. Hræsnari þykist vera eitthvað annað en hann er eða þykist hafa skoðun eða trú sem hann hefur ekki í raun. Þetta gerir hann í því skyni að líta betur út í augum annarra. Hræsnari er sem sagt sá sem þykist betri en hann er.
Ef maður fordæmir aðra fyrir hegðun sem hann sjálfur er sekur um og afneitar því jafnframt telst hann hræsnari þar sem hann reynir að sýnast betri en hann í raun er”

Það er auðvitað ekki smekklegt að trufla fund með því að kalla “Villi tilli” og það er engum sómi að því að kalla borgarfulltrúa “Talandi hárkollustatíf”

En að halda því fram að tjáning fólks á pöllum eða bloggi, sem hefur reiðst vegna þess að því finnst traðkað á lýðræðinu, að kalla þá tjáningu vanvirðingu við lýðræðið – það er hræsni.
 

 

Athugasemdir

[María Kristjánsdóttir, 24.1.2008 kl. 21:17]

Hjartanlega sammála.

[Hólmdís Hjartardóttir, 24.1.2008 kl. 22:11]

sammála

[ee (IP-tala skráð) 24.1.2008 kl. 22:24]

Sama hér. Er það furða að fólk sé hneykslað

[Pétur (IP-tala skráð) 25.1.2008 kl. 09:36]

Já þeir meiga ekki vamm sitt vita þessir heilögu menn.    Í þeirra huga er lýðræðið fullkomnað þegar framhvæmdavaldið (eigendur Sjálstæðisflokksins og þeirra meðreiðarsveinar) fjarstýrir dómstólunum og er jafnframt með löggjafavaldið í gíslingu niðri við Austurvöll.  Fyrir þessum heilögu mönnum eru mótmæli glæpur sem ekki verður liðinn.

[Gísli Hjálmar , 25.1.2008 kl. 09:58]

... jæja Höddi, alltaf í boltanum.

Það eina sem ég reyni að halda mig frá er að vera ekki að útlitsgera gagnrýni mína á pólitíkusum (þótt mig hafi oft langað mikið til þess).

Mér finnst það fyrir neðan allar hellur þegar (kannski) fullorðnir og vitibornir einstaklingar eru að níða persónu manns með einhverri útlits-krítík. Mér finnst það hreinlega ekki eiga heima í neinu formi sem gagnrýni.

Guð skapaði okkur einsog við erum, í flestum tilfellum allavega, og við höfum ekkert með það að gera né heldur að við getum breytt því mikið.

Að krítisera pólitíkus vegna verka hans og framgöngu er allt annað mál. Þar hef ég allavega leyft mér að ganga ansi langt.

Ástarkveðjur,

GHs

[Guðmundur Rúnar (IP-tala skráð) 25.1.2008 kl. 18:38]

Hvaða siðferði?

[Andrés Adolfsson (IP-tala skráð) 26.1.2008 kl. 22:51]

Við kjósum þá. Eftir það fara þeir eftir sina samvisku þángað til að við hittum þá næst i kjörklefanum. Þannig virkar lyðræðið. Það hefur ekkert að segja að væla á þingpöllum. Það breytir engu eins og sjá má. Þeir hafa um-boðið. Þegar saman kemur svona mannfjölði í svona skapi getur farið ver enn ætlað sé.

[Hörður Svavarsson, 26.1.2008 kl. 23:19]

Andrés, það hefur auðvitað gríðarleg áhrif þegar svona fjöldamótmæli eru. Þessu mómæli eru þegar orðinn hluti af Íslandssögunni. Þessara borgarstjórnarskipta verður m.a. minnst vegna þessarar miklu reiðiöldu sem hóf sig á loft meðal almennings.

Það sést best á því að þrír ritstjórar úr röðum Sjálfstæðisflokksins hafa reynt að gera lítið úr mótmælendum, hve mikil áhrif þau hafa.

Þau eru m.a. ástæða þess að forystumenn flokksins hafa komist að þeirri niðurstöðu að sjálfstæðisflokkurinn eigi í vanda, samanber fund þeirra á Hótel Sögu í kvöld.