Er fjármálaráðherra kommúnisti?

 Svona er sagt frá fjármálaráðstefnu sveitarfélaganna:

“Fjármálaráðherra kom upp og hélt ræðu sem efnislega var á þá leið að sveitarfélögin hefðu nægar tekjur, útgjöldin væru vandinn og blés svo út af borðinu allar hugmyndir um hlutdeild sveitarfélaga í fjármagnstekjuskattinum.”

Afhverju þarf ráðherrann ekki að skýra hvað er óheppilegt við að sveitarfélög fái hlutdeild í þessum skatttekjum frá íbúum sínum.

Ég bý í bæjarfélagi þar sem mikill áhugi er fyrir því að leikskólar verði ókeypis eins og önnur skólastig. Það er ekki hægt af því tekjustofnar sveitafélaga leifa það ekki, en á sama tíma þrútnar ríkissjóður út sem aldrei fyrr.

Sá háttur fjármálaráðherra að vísa stöðugt í jöfnunarsjóð sveitarfélaga ber vott um sósíalíska hugsun.

Það má lesa um það í bloggi Gríms Atlasonar hvaða ógöngum menn lenda í þegar þeir reyna að útbýta réttlæti með heimatilbúnum reglum í gegnum jöfnunarsjóð.