uno - Hausmynd

uno

Brotist inn á þessa síðu?

 

Ég hef nú að mestu fært skrif mín í annað umhverfi. Ég tók þó eftir því núna að einhver hefur plantað auglýsingu frá Nova inn á síðuna mína.

Í skilmálum Moggabloggsins segir: "...Morgunblaðið ber á engan hátt ábyrgð á því sem notandi eða þeir sem heimsækja síðu notanda setja á síðu notanda."

 Ég veit ekki hver annar hefur aðgang  að bloggsíðunni minn og hef því ekki hugmynd um hvern ég á að rukka fyrir þessa auglýsingabirtingu. Ég hef auðvitað hugsað mér rausnarlegt endurgjald fyrir að auglýsa skemmtistaðinn Nova.

 Veit einhver hver stendur fyrir þessu? Ætli ég eigi að rukka Nova?


Hver tekur við...

...í Reykjavík ?

 


Bush og æðri máttur...

 

Í heimsókn til trúarbragðasinnaðrar vímuefnameðferðarstöðvar í Baltimor ræddi Busi Bandaríkjaforseti um sína eigin drykkju og vandann sem hann átti eitt sinn í. Og ég tók mig til og bloggaði um það hér....


Nýtt heimili

 

Stend í flutningum.

Verð til heimilis með bloggið mitt á eyjan.is

Mun þó e.t.v eitthvað láta að mér kveða hér, t.d. til að taka upp þennan þráð enda ekki vanþörf á.


Heyrðu nú - minn kæri Sýsli

 

Kona ein mér nákomin, býr við ofsóknir fyrrverandi eiginmanns síns. Hún og börnin hennar hafa mátt sæta stöðugum og linnulausum hótunum, ónæði og ofbeldi af hans hendi.

Fyrir skömmu var dæmt nálgunarbann á manninn, enda hafði hann ekki sinnt aðvörunum lögreglu, né neinu tiltali. Reyndar var það svo að í kjölfar slíkra ábendinga færðist hann allur í aukana. Loks keyrði um þverbak þegar hann misþyrmdi öðru barni sínu og konunnar, 7 ára stúlku.

Þrátt fyrir nálgunarbannið hefur ekki dregið úr áganginum. Fjöldi hringinga og sms sendinga á dag með allskyns skilaboðum, hótanir og heimsóknir er það sem fjölskyldan má stöðugt búa við. Hvert einasta brot á nálgunarbanninu hefur verið kært til lögreglu. Það hefur ekki áhrif.

Það er barnaverndarmál og dómsmál í gangi vegna  ofbeldis hans gagnvart börnunum.

Nú hefur konan fengi bréf frá Sýslumanninum vegna þess að karlinn hefur krafist umgengnisréttar við börnin. Henni ber að mæta til Sýslumanns á morgun og skrifa undir samkomulag um að umgengnisréttur hans verði virtur.

Í barnaverndarlögum segir m.a:
“Hverjum þeim sem hefur ástæðu til að ætla að barn búi við óviðunandi uppeldisaðstæður, verði fyrir     áreitni eða ofbeldi eða stofni heilsu sinni og þroska í alvarlega hættu er skylt að tilkynna það         barnaverndarnefnd.

Annars er hverjum manni rétt að gera barnaverndarnefnd viðvart um hvert það tilvik sem telja má að hún eigi að láta sig varða.”


Svona tilkynning er ígildi kæru. Spurning hvort mér beri ekki, samkvæmt þessu, að kæra Sýslumanninn í Hafnarfirði til barnaverndarnefndar.

…eða sennilega er það engin spurning.
 


Um strámenn og Moggaritstjóra

 

Ég fékk ábendingu um frábæran pistil Finns Vilhjálmssonar lögfræðings og fráfarandi áskrifanda að morgunblaðinu. Þar segir m.a.:

"Því verður loks að halda til haga að enginn hefur talað fjálglegar eða velt sér meira upp úr veikindum Ólafs F. Magnússonar en ritstjóri Morgunblaðsins og hans lagsbræður. Enginn hefur nýtt sér veikindi Ólafs í pólitískum tilgangi nema einmitt þeir sjálfir."

Þeir sem ekki verða sammála Finni geta glatt sig vel skrifaðan og hnittin texta.


Alvara málsins

 

Það kann að vera mikilvæg ástæða fyrir því að Ólafur F. Magnússon segist hafa verið „nokkuð langt niðri á tímabili," en vilji ekki nota orðið þunglyndi eða geðveiki.

Það er eðlilegt að vera nokkuð langt niðri eftir áfall, það er jafnvel eðlilegt að vera óstarfhæfur um lengri eða skemmri tíma vegna áfalls eða einhverrar persónulegrar krísu. Það er að vísu ekkert óeðlilegt við að verða geðveikur en sá reginmunur er á að sé maður veikur af þunglyndi eða öðrum geðsjúkdómi má gera ráð fyrir að sá sjúkdómur taki sig upp aftur.

Það er ekki ástæða til að gera Ólafi upp fordóma í garð geðsjúkdóma. Það getur nefnilega verið að þessi læknir hafi meira vit á þessu en margir sem saka hann um að draga umræðu um geðsjúkdóma niður á forneskjulegt og fordómafullt plan.

Það hefur ekki vakið mikla athygli það sem Sveinn Aðalsteinsson fyrrum kosningastjóri Ólafs hafði um hann að segja: “Honum hættir til að fá mál á heilann,”

Þessi meinta þráhyggjuhugsun Ólafs kann einmitt að vera ástæðan fyrir því að hann var djúpt niðri og lengi frá vinnu. En nú er honum batnað og ekki sérstök ástæða til að ætla að hann falli aftur í  sama ástand, hafi ekki verið um geðsjúkdóminn þunglyndi að ræða. Frábært.

En þessi meinta þráhyggja kann hinsvegar að verða til þess að það verði þrautinni þyngra fyrir nýja samherja Ólafs að halda samstarfið út. En það kemur þá bara í ljós.

Okkar góði borgarstjóri, eins og Ólafur kallaði kollega sinn Dag, daginn sem hann sleit meirihlutasamstarfi við hann, hefur bent á að Sjálfstæðismenn séu að nota Ólaf sem skjöld í umræðunni um gjörðir sínar. Þetta er skörp greining hjá Degi og algjörlega rétt. Ólafur er notaður sem skjöldur fyrir gjörsamlega siðlaust og brútal framferði Vilhjálms og sexmenninganna.

Hættum að tala um veikindi Ólafs. Ef hann er klikk þá kemur það í ljós.

Alvara málsins er sú að það þarf að stjórna höfuðborg landsins. Það ríkir óvissuástand í þjóðmálum sem er engum til góðs, hvar í flokki sem hann stendur.

Fyrsti meirihlutinn í borginni féll saman innan frá. Sá næsti var svikinn. Kvarnist með einhverjum hætti úr núverandi meirihluta verður það ekkert gleðiefni fyrir neinn, hvar í flokki sem hann stendur og rökrétt að Dagur og félagar verji borgarstjórn falli fram að kosningum. Það væri drengilega gert og fólk mun kunna að meta það.

Hvernig sem allt fer verður framganga í Sjálfstæðismanna og Moggans lögð undir dóm kjósenda eftir tvö ár. Þangað til þarf að stjórna borginni. Það er málið.


Blogg dagsins

 

Tónlist dagsins

Væl dagsins

Ritdómur dagsins

Netfang dagsins


 


Ég hló að Spaugstofunni...

 

...fyrir mörgum, mörgum, mörgum árum.

 

En Gísli Marteinn er í Laugardagslögunum, það fer honum vel. Í kvöld var hann í sjónvarpsfréttum að tala á góðborgarafundi sjálfstæðismanna á  Hótel sögu. Gísli virtist vilja kenna bæði Villa og Ólafi F. um þennan nýja meirihluta. Hann sagði:

"Það þarf tvo til þess að dansa tangó og eins og Megas sagði; Spáðu í mig og þá mun ég spá í þig"

Gísli Marteinn virkar nú ekki eins og mikill Megasarfan. En þeir sem þekkja ljóðið vita að þá hefur það verið Gamli góði Villi sem bar sig upp við Ólaf með þessum orðum;

...kalinn & með koffortið á bakinu
kem ég til þín segjandi með hægð

spáðu í mig og þá mun ég spá í þig.....

Í þessu ljóði eru líka áberandi; Esjan sem er sjúkleg og Akrafjallið geðbilað að sjá... Það þarf einmitt tvo til, rétt hjá Gísla.

En Gísli Marteinn er fínn Júróvisíon dómari, það á vel við hann og má ekki taka af honum. 

 


Villi og siðferðið

 

Vilhjálmur Þ. Vilhjálmsson, oddviti sjálfstæðismanna, segir að aðgerðir mótmælenda á pöllum Ráðhússins sé algjör vanvirðing við lýðræðið, en þeir sem fyrir þeim standa virðist ekki vilja láta segjast. “Maður veltir því fyrir sér hvort þetta séu þau vinnubrögð sem þeir vilja að séu ástunduð í þjóðfélaginu,”

Já lýðræðið Vilhjálmur, lýðræðið.

Þegar ráðherra sniðgengur álit matsnefndar við skipun héraðsdómara og rýrir þannig traust á dómstólum sem eru ein af undirstöðum lýðræðisins, þá  er það aðför að lýðræðinu.

Þegar menn hasla undir sig völd í sveitarfélagi með prettum, þá er það aðför að lýðræðinu. Þegar menn þjarma að veiklyndum einstaklingi með Gróusögum, kaupa hann með gylliboðum án þess að neinni málefnakreppu sé til að dreif, einungis til þess að ná völdum þá er það aðför að lýðræðinu.

Þegar menn fórna öllum málefnum, sem þeir stóðu fyrir þegar þeir buðu sig fram, einungis til að ná VÖLDUM. Þá eru sjálfsagt margir tilbúnir til að segja að það sé vanvirðing við lýðræðið.

Í þessu samhengi má vitna í það sem Eyja Margrét Brynjarsdóttir doktorsnemi í heimspeki hefur sagt um hræsni:

“Helsta einkenni hræsnara er uppgerð eða blekking. Hræsnari þykist vera eitthvað annað en hann er eða þykist hafa skoðun eða trú sem hann hefur ekki í raun. Þetta gerir hann í því skyni að líta betur út í augum annarra. Hræsnari er sem sagt sá sem þykist betri en hann er.
Ef maður fordæmir aðra fyrir hegðun sem hann sjálfur er sekur um og afneitar því jafnframt telst hann hræsnari þar sem hann reynir að sýnast betri en hann í raun er”

Það er auðvitað ekki smekklegt að trufla fund með því að kalla “Villi tilli” og það er engum sómi að því að kalla borgarfulltrúa “Talandi hárkollustatíf”

En að halda því fram að tjáning fólks á pöllum eða bloggi, sem hefur reiðst vegna þess að því finnst traðkað á lýðræðinu, að kalla þá tjáningu vanvirðingu við lýðræðið – það er hræsni.
 

 


Killer Boogie

 

Í dag tekur við nýr borgarstjórnarmeirihluti í höfuðborg Íslands. Atburðarásin er búin að vera undarleg, svolítið geggjuð. Eiginlega of ótrúleg til að hægt sé að taka niðurstöðuna alvarlega. Það er ekki hægt að nenna því að hafa áhyggjur af þessu.

Þeyr er málið.

Einu sinni sat ég heila nótt með Hallgrími Gröndal úti í Tónabæ og upplifði Þey. Það var einhverskonar tónlistarmaraþon í gangi, til styrktar einhverju mjög göfugu. Víman af Þey var engu lík og ég hef alltaf saknað hennar.

Þetta myndband er frábært. Sigtryggur og Þorsteinn Magnússon svo ungir að þeir eru vart þekkjanlegir. Ekkert hefur breyst. Allt er eins. Sama tilfinning og þegar Sykurmolarnir gengu aftur í höllinni fyrir rúmu ári. Ruddalegur takturinn hljómar áfram í kollinum. Killer Boogie - til hamingju Ísland. 




Sjúklegt

 

Fólk er almennt sammála um að nýr meirihluti í borginni sé veikur. 


Mistök

 

"Ég gerði mistök í Rei málinu" sagði Vilhjálmur Þ. í Kastljósi fyrir stuttu.  "Ég vann það of hratt og hef beðist afsökunar á þessum mistökum"

Vissir þú að Margrét myndi ekki fylgja Ólafi að málum og ekki styðja nýjan meirihluta, spurði Sigmundur. 

 Nei Vilhjálmur Þ. Vilhjálmsson vissi það nú ekki, enda gerðist þetta allt mjög hratt í gær.

 


Álegg

 

Í september 2006 kynnti Davíð Oddsson seðlabankstjóri fyrir þjóðinni smjörklípuaðferðina í eftirminnilegu viðtali við Evu Maríu Jónsdóttur í Kastljósi ríkissjónvarpsins.

Fyrir skömmu var skipaður, af Árna Mathiesen, héraðsdómari á norðurlandi eystra. Mörgum fannst skipunin, sem sniðgekk álit lögskipaðrar matsnefndar, siðlaus og hættuleg. 

Núna fjallar Orðið á götunni um það að Davíð Oddsson geti eignað sér stóran þátt í því að mynda nýja meirihlutann í borgarstjórn Reykjavíkur.

Kannski er nýr meirihluti undir forystu Ólafs F. Magnússonar smjöraskjan sem Árna Mathiesen þurfti.

Hver nennir að tala um dómararáðninguna núna? 

 


Maðurinn sem leitað var að er fundinn

 

Ég hélt að þetta væri fréttatilkynning frá Sjálfstæðisflokknum.

...maðurinn sem leitað hefur verið af í hundrað daga er fundinn, hann heitir Ólafur F. Magnússon, og gaf sig fram í gær....

En svo er ekki. Gott að maðurinn sem leitað var að á Vestfjörðum er fundinn. Ætli þetta sé eins þar og í Reykjavík, sá á fund sem finnur?


mbl.is Maður sem leitað var að er fundinn
Tilkynna um óviðeigandi tengingu við frétt

Frjálslyndir, mislyndir, þunglyndir...

 

Sennilega ekki gott að stóla á samstarf með þeim sem kenna sig við lundarfar.


Óheimilt að boða þriðja mann ef Ólafur forfallast

 

Ólafi F. Magnússyni fannst það ómaklegt að vera spurður um hvað yrði um nýjan meirihluta í borgarstjórn ef hann veikist aftur eða forfallast, því Margrét Sverrisdóttir styður ekki þennan meirihluta.

 "Verður þá ekki bara þriðji maður kallaður inn af listanum?" spurði einhver fréttamaðurinn.

Því var ekki svarað en það er óheimilt samkvæmt sveitarstjórnarlögum.

Í 24. Grein Sveitarstjórnarlaga segir;
“Varamenn taka sæti í sveitarstjórn í þeirri röð sem þeir eru kosnir þegar aðalfulltrúar þess lista sem þeir eru kosnir af falla frá, flytjast burtu eða forfallast varanlega á annan hátt eða um stundarsakir frá því að sitja í sveitarstjórn.”

Á þessi lög hefur reynt. Það hefur gerst, að til Félagsmálaráðuneytis hefur verið kvartað vegna nákvæmlega svona brots, þ.e. að kalla ekki til fremsta varamann og ráðuneytið hefur úrskurðað slíkan gjörning óheimilan.

Ólafur má því ekki forfallast, þá er nýjasti meirihlutinn í borgarstjórn sprunginn. 

 


Allt að róast...

"Það er allt að róast hér eftir þennan blaðamannafund hér í Norræna húsinu" sagði skeleggur fréttamaður ríkissjónvarpsins rétt í þessu þar sem hann var staddur inni á gólfi á Kjarvalsstöðum. Þetta er kannski til marks um spennuna sem þarna ríkti.


Obama með mörg hnífasett í bakinu...

...frá þessum manni. Barack Obama, sem sækist eftir að verða forsetaframbjóðandi bandarískra demókrata í næstu forsetakosningum hefur sakað Bill Clinton, fyrrum Bandaríkjaforseta um að bera út ósannindi um sig.


mbl.is Obama í stríð við Clinton
Tilkynna um óviðeigandi tengingu við frétt

Dr. Leo, lýðræðið og Þórlindur Kjartansson

 

Það er fráleitt að halda því fram að lýðræðið hafa verið misnotað vegna þess að þessi ráðning er samkvæmt reglum og lögum sem gilda í landinu, sagði Þórlindur Kjartansson (formaður SUS) í Silfri Egils í dag og er auðvitað að verja dæmalausu dómararáðninguna.

Á vef Þorgeirs heitins Þorgeirsonar má finna þetta mannkynssögubrot:

"Dr. Leo Alexander, vel þekktur geðsjúkdómafræðingur, var formaður bandarísku læknanefndarinnar við stríðsglæparéttarhöld, sem haldin voru í Nürnberg eftir síðari heimstyrjöldina.

Honum féllust alveg hendur gagnvart þessari spurningu: Hvernig gat staðið á því  að læknastétt Þýskalands hafði reynst  ófær um að veita nasistunum virka andstöðu?

Hvergi fann hann neinar heimildir um þetta atriði og neyddist því til að snúa könnuninni upp í rannsókn á aðdraganda þess, hvernig þýska læknastéttin hafði smám saman orðið fullkomlega undirgefin stjórnarstefnu Hitlers.

Niðurstaða dr. Alexanders og starfssystkina hans varð á endanum sú,  að Helförin mundi hafa átt rót í hægfara viðhorfsbreytingu lækna, sem smám saman tóku að sætta sig við þá stefnu ríkisstjórnarinnar að meta fólk eftir því hvern kostnað eða ágóða ríkið hefði af  tilveru þess"

Sigurður Líndal hefur gagnrýnt dómararáðninguna harkalega, m.a. með þessum orðum:

“Valdboðið er sett í öndvegi; annað látið víkja. Með þetta að leiðarljósi er alræði og geðþótta opnuð leið og eru nærtækust dæmin frá Þýzkalandi eftir 1930.”

Miðað við niðurstöðu Dr. Leo Alexanders, er ekki bara rétt af Sigurði að taka svona til orða. Það er sérstaklega mikilvægt.

Þeir sem vilja draga faðerni hins nýráðna dómara inn í umræðuna vinna það eitt til, að drepa henni á dreif, þar er flokksbróðir vor og nokkuð virtur Iðnaðarráðherra ekki undanskilinn.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband